FINOBOD ishbilarmonlik dasturini kengaytirmoqda: yangi sanoat sikli diqqat markazida
FINOBOD. Tashkent International FinTech Forum 2026 ishbilarmonlik dasturi kengaymoqda: Forumning yangi yo‘nalishlaridan biri sanoatning texnologik va moliyaviy transformatsiyasi bo‘ladi.
Asosiy dastur doirasida “Yangi sanoat sikli: kapital, ma’lumotlar va o‘sish texnologiyalari” sessiyasi bo‘lib o‘tadi.
Zamonaviy raqamli va moliyaviy texnologiyalar real iqtisodiyotga tobora chuqurroq integratsiyalashmoqda. Sun’iy intellekt, avtomatlashtirish, raqamli platformalar va yangi moliyaviy vositalar korxonalarga samaradorlikni oshirish, ishlab chiqarish quvvatlarini modernizatsiya qilish, kapitalni yanada samarali boshqarish va barqaror ta’minot zanjirlarini shakllantirish imkonini bermoqda.
Sessiya ishtirokchilari ishlab chiqarish, kapital, ma’lumotlar va texnologiyalarni aniq biznes natijalariga yo‘naltirilgan yagona modelga qanday birlashtirish mumkinligini muhokama qiladilar. Bunday natijalar qatoriga tannarxni pasaytirish, unumdorlikni oshirish, kapital aylanishini tezlashtirish va ishlab chiqarishni kengaytirish kiradi.
Muhokama markazida sun’iy intellekt va avtomatlashtirishni qo‘llash, modernizatsiyani moliyalashtirish, raqamli g‘aznachilik, faktoring, lizing va ta’minot zanjirlarini moliyalashtirish, sanoat kooperatsiyasi hamda korxonalar, banklar va texnologik kompaniyalar o‘rtasidagi yangi hamkorlik modellari bo‘ladi.
FINOBOD o‘zining tarmoq kun tartibini kengaytirar ekan, sanoat, avtomobilsozlik, energetika, tog‘-kon va metallurgiya, kimyo sanoati, transport va logistika korxonalarini, shuningdek real sektor uchun texnologik va moliyaviy yechimlar yaratuvchi kompaniyalarni ishtirok etishga taklif qiladi.
Sanoat kompaniyalarini hamkorlikka taklif qilamiz
FINOBOD Tashkiliy qo‘mitasi sanoat korxonalari va ishlab chiqarish xoldinglarini Forum hamkori bo‘lishga va yangi tarmoq yo‘nalishini shakllantirishda ishtirok etishga taklif qiladi.
Hamkorlar o‘z loyihalari va texnologik transformatsiya tajribasini taqdim etish, ishbilarmonlik dasturiga integratsiya qilish, moliyaviy va texnologik kompaniyalar bilan uchrashuvlar o‘tkazish hamda xalqaro hamkorlik uchun yangi imkoniyatlarni topishlari mumkin.
FINOBOD. Tashkent International FinTech Forum 2026 2026-yil 12–14-noyabr kunlari Toshkent shahridagi CAEx Uzbekistan majmuasida bo‘lib o‘tadi.
