FINOBOD. Tashkent International FinTech Forum 2026 doirasida "CyberDom" yoshlar dasturi taqdim etiladi.
FINOBOD. Tashkent International FinTech Forum 2026 doirasida dunyoning turli mamlakatlaridan yosh mutaxassislar, talabalar, dasturchilar, startap asoschilari va texnologik jamoalarni birlashtiruvchi maxsus xalqaro yoshlar dasturi — CyberDom (KiberDom) tashkil etiladi.
CyberDom forumning eng faol va innovatsion maydonlaridan biriga aylanib, raqamli iqtisodiyotning kelajakdagi yetakchilarini rivojlantirishga xizmat qiladi.
Forum davomida bu yerda xalqaro yoshlar jamoalari musobaqalari, amaliy keys-chempionatlar, mavzuli muhokamalar hamda kiberxavfsizlik, moliyaviy texnologiyalar, sun’iy intellekt va raqamli transformatsiya masalalariga bag‘ishlangan jamoaviy bellashuvlar o‘tkaziladi.
Yoshlarning biznes vakillari, bank sektori, davlat tashkilotlari va yetakchi texnologik kompaniyalar bilan samarali muloqot qilishi uchun qulay muhit yaratishga alohida e’tibor qaratiladi.
Dastur yosh ishtirokchilarga o‘z loyihalarini taqdim etish, ekspertlardan amaliy tavsiyalar olish hamda bo‘lajak ish beruvchilar, investorlar va hamkorlar bilan professional aloqalar o‘rnatish imkonini beradi.
CyberDom yosh mutaxassislar o‘z bilim va salohiyatini namoyish etishi, tajriba almashishi hamda raqamli kelajak haqidagi o‘z qarashlarini taqdim etishi mumkin bo‘lgan innovatsion makonga aylanadi.
Yoshlar dasturi FINOBOD. Tashkent International FinTech Forum 2026 dastur arxitekturasining muhim qismi bo‘lib, forumning ta’lim, texnologiyalar, xalqaro hamkorlik va yangi raqamli iqtisodiyot uchun malakali kadrlar tayyorlashni birlashtirishga bo‘lgan intilishini aks ettiradi.
